«Բունտ է հասունանում». եղանակի տեսություն

ԵՐԵՎԱՆ, 12 դեկտեմբերի – Sputnik. Հայաստանի Հանրապետության տարածքում դեկտեմբերի 12-16-ը սպասվում է առանց տեղումների եղանակ: Քամին կլինի հարավարևմտյան՝ 3-8 մ/վ արագությամբ: Արարատյան դաշտում առավոտյան ժամերին սպասվում է մառախուղ՝ 50-100 մ հորիզոնական տեսանելիությամբ։ Այս մասին տեղեկացնում է ՀՀ արտակարգ իրավիճակների նախարարության մամուլի ծառայությունը։

Օդի ջերմաստիճանը դեկտեմբերի 13-15-ի գիշերն աստիճանաբար կբարձրանա 5-7 աստիճանով:

Նշված ժամանակահատվածում տեղումներ չեն գրանցվի նաև Երևանում։ Առավոտյան ժամերին հատկապես ցածրադիր գոտում սպասվում է մառախուղ՝ 50-100 մ հորիզոնական տեսանելիությամբ։

Ամանորի համար 270 մլն հատկացնելն ուտել-խմելու, ծափ-ծլնգոցի համար չէ. Փաշինյան

Նշենք, որ երեկ եղանակային կանխատեսումների հետ կապված`Facebook-ի իր էջում կրկին հումորային գրառում էր արել ՀՀ ԱԻՆ Հիդրոմետ ծառայության Օդերևութաբանական կենտրոնի պետ Գագիկ Սուրենյանը։ 

«Ձյան տեղումների բացակայության հետ կապված` հատկապես 7-14 տարեկան անձանց մոտ բունտ է հասունանում»,–գրել էր նա։