ԵՐԵՎԱՆ, 10 դեկտեմբերի — Sputnik. «Աջափնյակ» բարեգործական հիմնադրամի տնօրենը 2012-2016 թթ. հիմնադրամի միջոցներով ֆինանսավորել է Երևանի քաղաքապետարանի և Աջափնյակ համայնքի վարչակազմի մասնակցությամբ տարբեր ռեստորանային համալիրներում կազմակերպված խնջույքները։ Այս մասին հայտնում է ՀՀ ոստիկանության մամուլի ծառայությունը։
«Հիմնադրամի տնօրենը 2012-ից 2016 թվականների ընթացքում հիմնադրամի միջոցներով ֆինանսավորել է ռեստորանային համալիրներում կազմակերպված խնջույքները` հիմնադրամին պատճառելով 8 970 000 դրամի վնաս»,–նշված է ոստիկանության հաղորդագրության մեջ։
Ոստիկանությունը ստուգում է Սուրեն Աղաջանյանի մասին աղմկահարույց հրապարակումները
Նշվում է նաև, որ հիմնադրամի տնօրենը 2016–ին Աջափնյակում գտնվող մանկապարտեզներից մեկի վերանորոգման համար հատկացված գումարներից հիմնադրամի դրամարկղից ելքագրել և յուրացման եղանակով հափշտակել է ավելի քան 1 միլիոն 960 հազար դրամ։
Գագիկ Ջհանգիրյանը դատական հայց է ներկայացրել Ռոբերտ Քոչարյանի դեմ
Նյութերի նախապատրաստման ընթացքում հիմնադրամի տնօրենը վերականգնել է հիմնադրամին պատճառված 10 միլիոն 930 հազար դրամից ավելի վնասը։