ԵՐԵՎԱՆ, 3 դեկտեմբերի – Sputnik. Այսօր սարսափելի դեպք է տեղի ունեցել մայրաքաղաքում։ Sputnik Արմենիայի տեղեկություններով՝ Շտապօգնության խումբը կանչով մեկնել է Երևանում գտնվող տներից մեկը, որտեղ բուժխումբն արձանագրել է, որ 22-ամյա երիտասարդը մահացած է։
Շտապօգնության աշխատակիցները տեղեկությունը փոխանցել են իրավապահներին։
Ժամանել են ոստիկանության ու քննչական կոմիտեի ծառայողները։
Դանակահարություն Վանաձորում. դանակահարվածները հայր ու որդի են, կասկածյալը` նրանց ազգականը
Ըստ շրջանառվող լուրերի՝ երիտասարդը իրենց տանն է ինքնասպան եղել՝ աստիճանահարթակից կախվելով, ամենայն հավանականությամբ` պարանով։
Իրավապահները պարզում են, թե ինչը կարող էր ստիպել 22-ամյա տղային դիմել այդ ծայրահեղ քայլին։