ԵՐԵՎԱՆ, 27 նոյեմբերի — Sputnik. Այս շաբաթ երևանյան «Ուրարտու» ֆուտբոլային ակումբը գլխավորած ռուսաստանցի մարզիչ Ալեքսանդր Գրիգորյանը կարող է թիմը դուրս բերել դեպի եվրագավաթներ։
Գրիգորյանին ազգային հավաքականի մարզիչ չնշանակելու տարօրինակ պատմությունից հետո նրա ծառայություններով հետաքրքրվել են միանգամից մի քանի հայկական ակումբներ։ Արդյունքում` Գրիգորյանն ընդունել է «Ուրարտուի» առաջարկը։ Ակումբը պատկանում է հայտնի ռուսաստանցի գործարար Ջևան Չելոյանցին։ Ժամանակին նա եղել է Մոսկվայի «Սպարտակի» հիմնական բաժնետերերի կազմում։
Ներկա պահին «Ուրարտուի» գործերը Հայաստանի առաջնությունում այդքան էլ լավ չեն։ Ակումբը թիմերի վեցնյակում հայտնվելու քիչ շանսեր ունի, որոնք առաջնության երկրորդ փուլում պայքարը կշարունակեն հաղթանակի համար։
Հայտնի է` ինչով է զբաղվելու Ռոման Բերեզովսկին Հայաստանի հավաքականի մարզչական շտաբում
Իսկ ահա Վանաձորում այսօրվա խաղը «Լոռի» ակումբի հետ կարևոր նշանակություն է ունեցել ինչպես հոգեբանական, այնպես էլ մարտավարական տեսանկյունից։ Ֆուտբոլիստները և մարզիչը հուսախաբ չարեցին։ Երևանցիները հաղթեցին 1։0 հաշվով և դուրս եկան մրցաշարի եզրափակիչ։ Առաջին խաղակեսում աչքի ընկավ «Ուրարտուի» ֆուտբոլիստ Եվգենի Կոբզարը։
Մի ձեռքով երկու ձմերուկ չես բռնի, կամ ի՞նչ պետք է չլինի հայկական ֆուտբոլում
Եթե Գրիգորյանը երկարացնի իր հաղթարշավը և նվաճի գավաթը, ապա «Ուրարտուն», անկախ առաջնությունում իր մրցաշարային դիրքերից, հնարավորություն կունենա հաջորդ տարի խաղալ Չեմպիոնների լիգայում։
Հիշեցնենք, որ Ալեքսանդր Գրիգորյանը մինչ «Ուրարտուի» գլխավոր մարզչի պաշտոնը ստանձնելը համագործակցում էր Sputnik Արմենիայի հետ։