ԵՐԵՎԱՆ, 24 նոյեմբերի – Sputnik. Հանրապետության տարածքում նոյեմբերի 24-28-ը սպասվում է առանց տեղումների եղանակ: Այս մասին հայտնում է Արտակարգ իրավիճակների նախարարությունը։
Քամին կլինի հյուսիս-արևելյան՝ 3-8 մ/վ արագությամբ:
Օդի ջերմաստիճանը նոյեմբերի 25-28-ը Լոռիում, Տավուշում, Սյունիքում և Արցախում կբարձրանա 8-10, մնացած շրջաններում՝ 4-5 աստիճանով։
Մայրաքաղաք Երևանում նույնպես նոյեմբերի 24-28-ը սպասվում է առանց տեղումների եղանակ:
Այս լուրը երեկ` նոյեմբերի 23–ին Facebook–ի իր էջում հայտնել էր նաև ԱԻՆ օդերևութաբանական ծառայության պետ Գագիկ Սուրենյանը։
Հիշեցնենք, որ ընդամենը 2 օր առաջ Տավուշի մարզի Բերդ, Իջևան և Նոյեմբերյան քաղաքներում, Լոռու մարզի Ստեփանավան քաղաքում և Գուգարք գյուղում ձյուն էր տեղում: Սյունիքի մարզում տեղ-տեղ մերկասառույց էր, Գորիսում՝ մառախուղ: