ԵՐԵՎԱՆ, 22 նոյեմբերի — Sputnik. ՀՀ ոստիկանության 6–րդ վարչության աշխատակիցներն այցելել են ՀՀ կադաստրի պետական կոմիտեի նախկին նախագահ Սարհատ Պետրոսյանի տուն։ Այս մասին Sputnik Արմենիային հաստատեցին ոստիկանության լրատվական բաժնից։
«Ոստիկանության աշխատակիցներն այցելել են Սարհատ Պետրոսյանի տուն, որ նրան հրավիրեն ոստիկանություն` հրապարակումների հետ կապված պարզաբանումներ ստանալու»,–հայտնեցին ոստիկանությունից։
Նշենք, որ Պետրոսյանը Newarmenia.am-ի հետ զրույցում հայտնել է, որ իր` քաղաքաշինության կոմիտեի նախկին նախագահ Ավետիք Էլոյանի մասին հայտարարությունների համար էլ ոստիկանությունն այցելել է իրենց տուն։ Պետրոսյանի խոսքով` ոստիկանների այցի ժամանակ ինքը տանը չի եղել, սակայն իր ընտանիքի անդամները սթրես են տարել։ Նա նշել է նաև, որ իր հնչեցրած բոլոր բառերի համար կան փաստեր։
Հիշեցնենք, որ հոկտեմբերի 18–ին կադաստրի կոմիտեի նախկին ղեկավար Սարհատ Պետրոսյանը հայտարարել էր, թե Ավետիք Էլոյանը ներգրավված է «կոռումպացվածության հասնող թայֆայականության» մեջ:
Կառավարությունն ընդունեց Սարհատ Պետրոսյանի հրաժարականը
Դրան հաջորդել էր այն, որ նոյեմբերի 18–ին ոստիկանությունը ստուգումներ իրականացրեց ՀՀ փոխվարչապետ Տիգրան Ավինյանի խորհրդական Ավետիք Էլոյանի եղբորը՝ Զարեհ Էլոյանին պատկանող «Eloyan Architects» ընկերությունում: Այս դեպքում նույնպես ստուգումներն իրականացվում էին հրապարակումների հիման վրա։