2020 թվականից ՀՀ–ում նվազագույն աշխատավարձը նախկին 55000 դրամի փոխարեն կազմելու է 68000 դրամ։ Sputnik Արմենիան պարզել է, որ քաղաքացիներից շատերն այդ մասին նույնիսկ չգիտեին էլ։
Իսկ մեր պարզաբանումից հետո հարցվածների մեծ մասը նշեցին, որ այդ գումարը քիչ է և չի համապատասխանում սպառողական զամբյուղին։
«Հուսանք, որ էլի կբարձրացնեն, միշտ էլ հույսով ապրում ենք», - ասաց քաղաքացիներից մեկը։
Հարցին, թե որքան պետք է կազմի նվազագույն աշխատավարձը, հնչեցին տարբեր պատասխաններ, առավել հաճախ հնչած թիվը 100.000 դրամն էր։
Թորոսյանը հայտնել է` որքան կբարձրանա Երևանի շտապօգնության աշխատակիցների աշխատավարձը
«100-150 հազար դրամ առնվազն պետք է, որ մի կերպ տակից դուրս գանք»,- ասաց հարցման մասնակիցներից մեկը։
Նշենք, որ պաշտոնական տվյալներով` նվազագույն աշխատավարձի փոփոխությունը կազդի 58 000 պետական ու 130 000 մասնավոր աշխատողների վրա։
Աշխատավարձի աճ, նոր ծրագրեր. Մարությանի խոսնակն ասել է` ինչ սպասել 2020–ին Երևանի բյուջեից