ԵՐԵՎԱՆ, 21 նոյեմբերի — Sputnik. Մեսրոպ Առաքելյանի` Հենրիխ Մխիթարյանի մասին արած հայտարարությունը բացառապես այդ անձի անձնական կարծիքն է, ՀՖՖ–ն չի կիսում նրա կարծիքը, այլ դատապարտում է նման հայտարարությունները։
Այս մասին այսօր ՀՖՖ գործկոմի նիստից հետո լրագրողների հետ զրույցում ասաց արդեն հրաժարական ներկայացրած ՀՖՖ նախագահ Արթուր Վանեցյանը։
Նշենք, որ Ֆուտբոլի ֆեդերացիայի անկախ կոմիտեներից մեկի նախագահը` Մեսրոպ Առաքելյանը, ասել էր, որ Հայաստանի ազգային հավաքականի ավագ Հենրիխ Մխիթարյանի թևից պետք է հանել ավագի թևկապը։
«Մեսրոպ Առաքելյանն արել է անհեթեթ հայտարարություն։ Ուզում եմ նշել, որ Հենրիխ Մխիթարյանը հայկական ֆուտբոլի պատմության մեջ լավագույն ֆուտբոլիստներից մեկն է, ես կասեի` լավագույնը։ Նա ոչ միայն ֆուտբոլիստ է, այլ հայ ժողովրդի ու Հայաստանի դեսպանն է ողջ աշխարհում։ Ֆուտբոլին իր նվիրումով նա ապացուցել է, որ արժանի է կրել մեր ազգային հավաքականի ավագի թևկապը»,–ասաց Վանեցյանը։
Մեղավորը միայն Վանեցյա՞նն է, կամ երբ ԱԱԾ տնօրենն էր, ֆուտբոլում ամեն ինչ լա՞վ էր
Հիշեցնենք` այսօր կայացավ ՀՖՖ գործկոմի արտահերթ նիստը, որի ընթացքում ՀՖՖ նախագահ Արթուր Վանեցյանը հրաժարականի դիմում ներկայացրեց` նշելով, որ բարոյական պատասխանատվություն է կրում հավաքականի վերջին` խայտառակ պարտության համար։
«Իտալացիները խառնվածքով նման են հայերին. այստեղ հիանալի է». Հենրիխ Մխիթարյան
Հիշեցնենք նաև, որ Արթուր Վանեցյանը Հայաստանի ֆուտբոլի ֆեդերացիայի նախագահ է նշանակվել 2018թ.–ի սեպտեմբերի 22–ին։ Այդ ժամանակ նա նաև ՀՀ ԱԱԾ տնօրենն էր։