ԵՐԵՎԱՆ, 18 նոյեմբերի — Sputnik. Նոյեմբերի 21-22-ին Լոռիում, Տավուշում, Սյունիքում և Արցախում ձյուն կտեղա։ Այս մասին Facebook-ի իր էջում գրել է ՀՀ ԱԻՆ օդերևութաբանական ծառայության պետ Գագիկ Սուրենյանը։
Միհրան Ծառուկյանը բեմում ամուսնության առաջարկ արեց Արփի Գաբրիելյանին. տեսանյութ
«Ժողովուրդ ջան, նոյեմբերի 21-22-ին Լոռիում, Տավուշում, Սյունիքում և Արցախում ձյուն ունենք և ջերմաստիճանի նվազում 8-10 աստիճանով»,–գրել է նա։
Նրա տեղեկացմամբ` մյուս մարզերում առաջիկա 10 օրերին ոչ տեղումներ կլինեն, ոչ էլ ջերմաստիճանի կտրուկ նվազում։
Նշենք, որ ՀՀ ԱԻՆ մամուլի ծառայության տեղեկություններով` առաջիկա օրերինը Հայաստանի տարածքում սպասվում է առանց տեղումների եղանակ:Երևանում ևս նոյեմբերի 18-22-ը տեղումներ չեն սպասվում: Մայրաքաղաքում այսօր ցերեկային ժամերին սպասվում է +10-ից 12, երեկոյան +4-ից +6, գիշերային ժամերին`-1-ից -3 աստիճան։