Հայաստան–Հունաստան խաղից առաջ հավաքականի երկրպագուներ թիմը` FAF-ի անդամները, ժամը 19։00–ից Օպերայի շենքի մոտից երթով հասան մարզադաշտ։ Նրանք գունավոր ծուխ էին արձակում փողոցներում և իրենց կոչերով վստահեցնում, որ հավաքականի տղաների հետ են։
«Եվրո 2020»–ի ընտրական փուլի շրջանակում Հայաստան-Հունաստան հանդիպումը Վազգեն Սարգսյանի անվան «Հանրապետական» մարզադաշտում մեկնարկել է 21։00-ին։
Հենրիխ Մխիթարյանն ու Գևորգ Ղազարյանը չեն մասնակցելու այսօրվա հանդիպմանը, որն անցնելու է Աբրահամ Խաշմանյանի ղեկավարությամբ։
Ո՞ր թիմին են երկրպագելու հայաստանցի հույները. Շարմազանովը կատարել է իր ընտրությունը
Հիշեցնենք` նոյեմբերի 7-ին Խաշմանյանը միաձայն ընտրվեց ազգային հավաքականի մարզիչ։ Մինչ այդ` հոկտեմբերի 18-ին, Արմեն Գյուլբուդաղյանցը հրաժարվել էր այդ պաշտոնից։
Նրա հրաժարականին նախորդել էր հոկտեմբերի 15-ին Ֆինլանդիայի ընտրանու հետ հանդիպումը, որն ավարտվել էր մեր հավաքականի 0:3 հաշվով պարտությամբ: Հայաստանի հավաքականը հաջորդ հանդիպումը կանցկացնի նոյեմբերի 18-ին` հյուրընկալվելով Իտալիայի հավաքականին:
Հայաստանը սխալվեց աքլորի ու կանանց պատճառով. Ուտկինը` Գրիգորյանից հրաժարվելու մասին