ԵՐԵՎԱՆ, 4 նոյեմբերի — Sputnik. Jamiroquai բենդը քիչ առաջ ժամանեց Երևան։ Խմբին «Զվարթնոց» օդանավակայանում դիմավորեցին լրագրողներն ու երկրպագուները։
«Թռիչքը շատ լավ է անցել։ Երևանի համերգը անակնկալներով լի կլինի հայ հանդիսատեսի համար», - լրագրողների հետ զրույցում նշեց խմբի մենակատար Ջեյ Քեյը։
Sputnik Արմենիայի հարցին, թե մինչ այստեղ գալը լսե՞լ էր Հայաստանի մասին` Քեյը պատասխանեց. «Այո, շատ եմ լսել, որովհետև Լոնդոնում մեծ հայկական համայնք կա:
Նշենք, որ խումբը Երևան է ժամանել Silk Note փառատոնի շրջանակում և այստեղ հանդես է գալու նաև իր առաջին մենահամերգով:
Jamiroquai բենդի երևանյան մենահամերգը կկայանա նոյեմբերի 6-ին, Կարեն Դեմիրճյանի անվան մարզահամերգային համալիրում:
Future funk ոճում հանդես եկող Jamiroquai խումբը երաժշտական աշխարհը փոթորկեց՝ դառնալով մոլորակի ամենահաջողակ կատարողներից մեկը:
«Գրեմիի» դափնեկիր և «Բրիտս» մրցանակի առաջադրված խումբն աշխարհում վաճառել է ավելի քան 26 միլիոն ալբոմ, գրանցվել Գինեսի ռեկորդների գրքում՝ բոլոր ժամանակների ամենավաճառված ֆանկ ալբոմի համար:
Սիրելի հյուրը Ռեյ Չարլզն էր ու հարազատ ջազը․ ինչպես հայ երգչուհին իրեն գտավ Նյու Յորքում
Նշենք, նաև, որ միջազգային Silk Note Festival-ը կազմակերպվում է «Իմ քայլը» հիմնադրամի և «Մշակութային տուրիզմի զարգացման ասոցիացիա» հասարակական կազմակերպության համատեղ նախաձեռնությամբ: Փառատոնի նպատակն է Հայաստանում զարգացնել մշակութային տուրիզմը, հրավիրել միջազգային մամուլի ուշադրությունը մեր երկրի վրա և արդյունքում գրանցել տնտեսական աճ: Փառատոնից ստացված ողջ հասույթն ուղղվելու է ՀՀ մարզերում մշակութային կյանքի ակտիվացմանը։