Քաղաքացիականներն են կալանավորների համար ուտելիք եփում։ Նրանց խոսքով` «տնավարի» է։ Սննդի միջին օրական էներգետիկ արժեքն ապահովում է առնվազն 2800 կկալ։ Ճաշացանկը դասական է` աղցան, առաջին, երկրորդ ու կոմպոտ։
Sputnik Արմենիայի թղթակցի հետ զրույցում արդարադատության նախարար Ռուստամ Բադասյանն ասաց, որ դատապարտյալների հարազատները կարող են հանգիստ լինել, իրենց ազգականները սոված չեն մնա։ Ավելին` սննդի նոր համակարգը հետզհետե ներդրվելու է նաև այլ ՔԿՀ–ներում, սակայն ժամկետները դեռ հայտնի չեն։
Դատապարտյալները գոհ են ու նոր ճաշացանկը «տնական ուտելիք» են անվանում. նրանք հույս ունեն, որ այն շարունակական կլինի։
Նշենք, որ փորձնական ծրագիրը մեկնարկել է «Նուբարաշեն» և «Արմավիր» ՔԿՀ–ներում հոկտեմբերի կեսից։ Ծրագրում 1090 դատապարտյալ են ներառվել։