ԵՐԵՎԱՆ, 30 հոկտեմբերի — Sputnik. Թուրքիայի նախագահ Ռեջեփ Թայիփ Էրդողանը քննադատել է ԱՄՆ–ի կոնգրեսի ներկայացուցիչների պալատին` Հայոց ցեղասպանությունը դատապարտող բանաձև ընդունելու համար, հաղորդում է Daily Sabah թերթը։
«ԱՄՆ–ի ներկայացուցիչների պալատի ընդունած բանաձևն օրինական ուժ չունի։ Այդ հարցի վերաբերյալ որոշում պետք է կայացնեն պատմաբանները, այլ ոչ թե քաղաքական գործիչները», – հայտարարել է Էրդողանը։
Հիշեցնենք` ԱՄՆ Կոնգրեսի ներկայացուցիչների պալատում հոկտեմբերի 29-ին կայացած քվեարկության արդյունքում 405 կողմ, 11 դեմ քվեով Հայոց ցեղասպանությունը ճանաչող բանաձև է ընդունվել:
Մանոյան. «ԱՄՆ-ի բանաձևը նաև հայ համայնքի ուժի ցուցադրության արդյունքն է»
Նշենք, որ վերջին 40 տարիների ընթացքում առաջին անգամ Սպիտակ տան վարչակազմը ճնշում չի գործադրել Ներկայացուցիչների պալատի վրա Հայոց ցեղասպանության հարցում։ Ավելի վաղ բոլոր նախաձեռնությունները և բանաձևերն արգելափակվել են ու չեն հասել Ներկայացուցիչների պալատի քվեարկությանը։
Թուրքիայի արտգործնախարարն ամոթալի է անվանել ԱՄՆ ներկայացուցիչների պալատի ընդունած բանաձևը