Հանգամանքների բերումով 1999թ-ի հոկտեմբերի 27-ին Ազգային ժողովում կառավարության հետ հերթական հարցուպատասխանի ժամը համընկել է Մայր Աթոռում Ամենայն Հայոց կաթողիկոսի ընտրության հետ։ Շատ լրագրողներ խորհրդարանում կատարվածի մասին իմացել են, երբ գտնվել են Մայր աթոռի փակ դռների հետևում, որտեղ սկսվել է գաղտնի քվեարկությունը։
Հենց այդ ժամանակ նիստերի դահլիճ են ներխուժել զինված խմբի անդամները և կրակ բացել։ Զոհվել են այն ժամանակվա խորհրդարանի խոսնակ Կարեն Դեմիրճյանը, վարչապետ Վազգեն Սարգսյանը, պատգամավորներ և կառավարության անդամներ...
Sputnik Արմենիայի կայքում անցյալի հետ տեսակապի միջոցով ժամանակ առ ժամանակ կարելի է կրկին դառնալ այդ կարևոր իրադարձությունների և անսովոր երևույթների ականատեսը, որոնք տեղի են ունեցել Հայաստանում 1996-2001թթ–ին և պահպանվել են Դ. Պիսարենկոյի արխիվում։
Հարուցված քրեական գործի նախաքննությունը տևեց 1.5 տարի, դատավարությունը` 2.5։
«Հոկտեմբերի 27-ի ոճրագործությանը հանգեցրել են երեք գործոն». Վաղարշակ Հարությունյան
2003թ–ին ավարտված դատավարության արդյունքում դատարանը որոշեց Նաիրի Հունանյանին, նրա եղբորը` Կարեն Հունանյանին, նրանց քեռուն` Վռամ Գալստյանին, ինչպես նաև Դերենիկ Բեջանյանին, Էդիկ Գրիգորյանին, Նորայր Եղիազարյանին ու Աշոտ Կնյազյանին դատապարտել ցմահ, Համլետ Ստեփանյանին` 14 տարվա ազատազրկման։
Հանցագործությանը հաջորդած 20 տարվա ընթացքում խմբի 8 անդամներից 4-ը մահացան տարբեր հանգամանքներում։