ԵՐԵՎԱՆ, 27 հոկտեմբերի – Sputnik. Հոկտեմբերի 28-ին «Հյուսիս-հարավ» ավտոճանապարհի շինարարության հետ կապված աշխատանքներ իրականացնելու նպատակով Երևանում և որոշ մարզերում գազամատակարարման անջատումներ կլինեն: Այս մասին տեղեկացնում են «Գազպրոմ Արմենիայի» հասարակայնության և ԶԼՄ-ների հետ կապերի ծառայությունից:
Պլանային աշխատանքներ իրականացնելու նպատակով ժամը 10.00-ից մինչև ժամը 17.00-ն կդադարեցվի Կոտայքի մարզի Քասախ գյուղի, ժամը 12.30-ից մինչև ժամը 18-00-ն՝ Սյունիքի մարզի Կապան քաղաքի Շինարարների թաղամասի թիվ 3, 5, 7, 9, 11, 13, 15, 17, 2, 4, 8 շենքերի, ժամը 11.00-ից մինչև ժամը 15.00-ն՝ Արարատի մարզի Գոռավան գյուղի գազասպառողների, Վեդի քաղաքի թիվ 2 մանկապարտեզի և «Ճերմակ առագաստ» ՍՊԸ-ի ԱԳԼՃԿ-ի գազամատակարարումը:
Հակոբյան. «Գազը մտնում է պետությունների քաղաքական գործիքակազմի մեջ»
Հոկտեմբերի 28-ին ժամը 09.00-ից մինչև հոկտեմբերի 29-ի ժամը 20.00-ն դադարեցվելու է Երևան քաղաքի Մալաթիա-Սեբաստիա վարչական շրջանի Հարավ-արևմտյան Ա-1, Ա-3, թաղամասերի, Ամառանոցային թաղամասի առանձնատների, Բաբաջանյան փողոցի թիվ 98/2, 98/4, 98/5, 98/6, 98/7, 98/8 բազմաբնակարան շենքերի գազասպառողների, ինչպես նաև նշված շրջանում գործող տարբեր նշանակության հանրային օբյեկտների և ԱԳԼՃԿ-ների գազամատակարարումը:
Ձմռանը գազը չի թանկանա. ռուսական կողմի հետ բանակցությունները շարունակվում են
«Հայցում ենք գազասպառողների ներողամտությունը և խնդրում ենք պահպանել անվտանգության կանոնները»,-նշված է հաղորդագրության մեջ:
Ընկերությունից հորդորում են գազամատակարարման դադարեցման և վերականգնման վերաբերյալ լրացուցիչ տեղեկությունների համար զանգահարել 1-04 հեռախոսահամարով: