ԵՐԵՎԱՆ 25 հոկտեմբերի – Sputnik. Քաղաքական կամքի առկայության դեպքում հնարավոր է շատ արագ արդյունքի հասնել, որոնք բխում են ժողովրդական պահանջից և առնչվում են կոռուպցիային, սոցիալ-տնտեսական կյանքում բոլորի համար հավասար հնարավորություններին, արդար ընտրություններին և ներկայումս առկա ամենամեծ մարտահրավերին` դատական բարեփոխումներին: Այս մասին ՀՀ արտաքին գործերի նախարար Զոհրաբ Մնացականյանը ասել է BBC-ին տված հարցազրույցում` Hard Talk հաղորդման շրջանակում։
Հաղորդման վարող Սթիվըն Սակուրը հակադարձել է Մնացականյանին, թե նշվում է` ամեն ինչ հնարավոր է շատ արագ անել, մինչդեռ արդարադատության նախարար Ռուստամ Բադասյանը օրերս հայտարարեց` Հակակոռուպցիոն կոմիտեն կստեղծվի միայն 2021թ-ին, որին ի պատասխան նախարարը արձագանքել է` քաղաքական կամքից զատ, նաև ինստիտուցիոնալ լուծումներ են պետք։
«Մենք միանշանակ գիտակցում ենք, որ քաղաքական կամքի շնորհիվ հնարավոր է հասնել արդյունքների, սակայն դա բավարար չէ։ Անհրաժեշտ է, ինստիտուցիոնալ առումով ամրապնդել համակարգը, ինչի արդյունքում հնարավոր կլինի արձագանքել այդ երևույթներին»,- նշել է նա։
Ֆելիքս Ցոլակյանը դիմել է Նիկոլ Փաշինյանին՝ ԱԻՆ-ում ստուգումներ իրականացնելու խնդրանքով
Լրագրողի ճշտող հարցին, թե հանձնաժողով ստեղծելու համար արդյո՞ք երկու տարի է պահանջվում, ՀՀ արտգործնախարարը պատասխանել է, որ այն երկարատև քննարկումներ է պահանջում ոչ միայն երկրի ներսում, այլև միջազգային, մասնավորապես տարածաշրջանային գործընկերների` Եվրամիության, Եվրոպայի խորհրդի և այլ կարևոր դերակատարների հետ։
Անդրադառնալով վարչապետ Փաշինյանի` «մեզ հաջողվել է արմատախիլ անել համակարգային կոռուպցիան» հայտարարությանը, Մնացականյանը արձագանքել է` ինչու ո՞չ:
Գեղարքունիքում կոռուպցիոն հանցագործությունների բացահայտումը եռակի ավելացել է
Լրագրողը պնդել է, որ վարչապետի այդ հայտարարությունից հետո Պետական վերահսկողական ծառայության պետ Դավիթ Սանասարյանին լուրջ մեղադրանք առաջադրվեց, մարդ ում նշանակել էր հենց ինքը՝ վարչապետը: Սա կասկածի տեղիք է տալիս. արդյո՞ք վարչապետը քաջատեղյակ է` ինչ է կատարվում պաշտոնյաների շրջանում:
«Ես չգիտեմ՝ ինչ ի նկատի ունեք, բայց ինչպես և ասում եմ, մենք ամիսների ընթացքում կարողացել ենք տեղ հասցնել այն ուժեղ ուղերձը, որ իշխանության ներկայացուցիչներին ճամպրուկներ չեն բերվելու»,- նշել է նախարարը։
Գերատեսչության ղեկավարը հավաստիացրել է, որ տնտեսական և սոցիալական ոլորտներում այլևս անարդար պայմաններ չեն լինելու, որը հնարավոր է դարձել քաղաքական կամքի և ինստիտուցիոնալ կարողությունների համադրման արդյունքում:
Սակուր պնդել է` ինչպես կարող է ժողովուրդը վստահություն ունենալ, երբ ականատես է լինում նման զարգացման:
Խորհրդակցություն կառավարությունում. Հակակոռուպցիոն կոմիտեին առնչվող հարցեր են քննարկվել
«Բայց չէ՞ որ համակարգն արձագանքեց, այսպես չէ՞: Համակարգն արձագանքել է»,- հակիրճ պատասխանել է Մնացականյանը:
Մնացականյանը հորդորել է հարցն այդքան պարզունակ չդարձնել և հիշեցրել, որ արդեն նշել է` պետք է առկա լինի ինստիտուցիոնալ կարողություն, որի ստեղծումը մեծագույն մարտահրավեր է և առաջնահերթություն: