Հայաստանում աշխատող գիտնականների համար մեկնարկում է փոքր հետազոտությունների նոր ծրագիր: Ինչպես Sputnik Արմենիայի եթերում նշեց PMI Science գիտահետազոտական կենտրոնի գիտակրթական ծրագրերի ղեկավար Մարիամ Դավթյանը, դրամաշնորհներն ուղղված կլինեն փոքր ծավալի կիրառական հետազոտություններին՝ մաթեմատիկայի (այդ թվում՝ ինֆորմատիկայի), ինչպես նաև ֆիզիկայի և քիմիայի բնագավառներում:
«Մենք նախատեսում ենք նաև հաջորդիվ աշխատել այդ գիտական թիմերի հետ, եթե նրանց հետազոտությունները հաջող լինեն»,-նշել է Դավթյանը:
«Գիտությունը մի ոլորտ է, որտեղ Հայաստանն իրոք մրցունակ է: Այս առավելությունները մենք պետք է բացահայտենք: Գիտութան աջակցությունը մենք դիտարկում ենք ոչ թե մեկուսացված, այլ որպես Հայաստանի ընդհանուր տեխնոլոգիական զարգացման մի մաս»,-ընդգծել է «Ձեռնարկությունների ինկուբատոր» հիմնադրամի բիզնես ծրագրերի ղեկավար Ամալյա Եղոյանը:
Ինչպես լինել հարուստ և երջանիկ. հայ դպրոցականներին ցույց կտան VR/AR հնարավորությունները
Ծրագրին մասնակցելու համար գիտնականները պետք է կազմեն թիմեր և ներկայացնեն իրենց գաղափարների իրագործման փորձը՝ կատարված գիտական աշխատանքների և հոդվածների տեսքով:
Ծրագիրն իրականացնելու է «Ձեռնարկությունների ինկուբատոր» հիմնադրամը, որը շահույթ չհետապնդող կառույց է՝ ուղղված Հայաստանում բարձր տեխնոլոգիական բիզնեսի զարգացմանը: