ԵՐԵՎԱՆ, 19 հոկտեմբերի-Sputnik. 49-ամյա քաղաքացին այսօր ինքնավնասում է կատարել Կոտայքի մարզի ընդհանուր իրավասության դատարանում: Այս մասին տեղեկացնում է shamshyan.com-ը:
Արտակարգ դեպքը տեղի է ունեցել ժամը 17:00-ի սահմաններում: Եղվարդի դատարանի առաջին հարկում գտնվող կալանավորվածների և ամբաստանյալների ժամանակավոր պահման վայրում դատական նիստից հետո 49-ամյա Սիմոն Հարությունյանը ինքնավնասում է կատարել որովայնի հատվածում:
Տեղեկությունների համաձայն՝ վերջինս մեղադրվում է ՀՀ քր-օր-ի 175 հոդվածի, 131 հոդվածի և 333 հոդվածի 2-րդ մասերի հատկանիշներով, այն է՝ ավազակության, առևանգման և սուտ մատնության համար:
Արտակարգ դեպք Վանաձորում. 4 հոգով կողոպտել են առևտրականին և 30 հազար դոլար հափշտակել
Հավելենք, որ ինքնավնասում կատարած քաղաքացուն բուժօգնություն ցուցաբերելու նպատակով դատարան է մեկնել «Նաիրի» բժշկական կենտրոնից բժիշկների հերթապահ խումբը, քաղաքացին ունեցել է «որովայնի քերծված-կտրված վերք»:
Փաստի առթիվ ոստիկանության Նաիրիի բաժնի հետաքննչական բաժանմունքում նյութեր են նախապատրաստվում: