ԵՐԵՎԱՆ, 17 հոկտեմբերի - Sputnik. Չիկագոյի հիվանդանոցներից մեկում մահացել է ամերիկացի բռնցքամարտիկ Պատրիկ Դեյը: Այս մասին հայտնում է Բռնցքամարտի համաշխարհային խորհրդի (WBC) մամուլի ծառայությունը:
27-ամյա մարզիկը մահացու վնասվածքը ստացել էր հոկտեմբերի 13-ին Չարլզ Կոնվելի հետ մենամարտում։ Նոկաուտից հետո բռնցքամարտիկը կորցրել էր գիտակցությունը և տեղափոխվել հիվանդանոց։ Նրան վիրահատել էին, բայց չէին կարողացել փրկել մահից։ Բռնցքամարտիկը երեկ հրաժեշտ է տվել կյանքին։
Մարզիկի փրոմոութեր Լու Դիբելլան գրել է, որ Պատրիկը սիրահարված էր բռնցքամարտին։
Դեյն իր կարիերայի ընթացքում գրանցել է 17 հաղթանակ, 4 պարտության և մեկ ոչ-ոքի:
Հիշեցնենք, որ հուլիսի 23-ին նման դեպք էր գրանցվել ռուս բռնցքամարտիկ Մաքսիմ Դադաշևի հետ: Մարզիկը ենթարկվել էր նոկաուտի և ստացել գանգուղեղային վնասվածք: Ավելի ուշ պարզվել էր, որ մենամարտի ընթացքում Դադաշևն ուղեղի կաթված է ստացել: