ԵՐԵՎԱՆ, 16 հոկտեմբերի — Sputnik. Սիրիական բանակի ստորաբաժաումները 5 տարվա ընթացքում առաջին անգամ Ռաքքա մտան։ Այս մասին հայտնում է ՌԻԱ Նովոստին, որը հղում է անում ռազմական աղբյուրներին։
Գործակալությունը նշում է, որ կառավարական զորքերն իրենց դիտակետերն են տեղադրել։
2014 թվականին Ռաքքան գրավել էին «Իսլամական պետության» ահաբեկիչները (Ռուսաստանում և մի շարք այլ երկրներում արգելված ահաբեկչական կազմակերպություն)` հռչակելով քաղաքն իրենց «մայրաքաղաքը»։
2017 թվականի հոկտեմբերին «Սիրիական ժողովրդավարական ուժերի» մի քանի ամսվա գործողությունների հետևանքով քաղաքն ազատագրեցին միջազգային կոալիցիայի ավիացիայի աջակցմամբ։
Սիրիացի զինվորականները հանդիպել են ամերիկյան բանակի նահանջող զինվորներին. տեսանյութ
Ամերիկամետ քրդական միավորումների կենտրոնացած ռմբակոծությունների և գործողությունների ընթացքում Ռաքքան ավերվել էր։ Քաղաքը մինչ օրս չի վերականգնվել։
Սիրիայի ԱԳՆ–ն Ռաքքայի ազատագրման ժամանակ կոալիցիայի գործողությունները ցեղասպանություն էր որակել։
Պենտագոնը խոստովանել է, որ ԱՄՆ–ի զորքը թակարդն է ընկել Սիրիայում