Հայաստանի ֆուտբոլի ազգային հավաքականի FAF ֆան-ակումբի անդամներն այս պահին նավով մեկնում են Ֆինլանդիայի մայրաքաղաք Հելսինկի, որտեղից էլ պիտի ուղևորվեն Տուրկու քաղաք` Ֆինլանդիա–Հայաստան խաղը դիտելու։ Վաղվա խաղին նրանք «պատրաստվում» են նավում և, եռագույնը ծածանելով, երգում. «Ոչ մի քայլ հետ, դեպի նոր հաղթանակներ...»։
Նշենք, որ երիտասարդներին չի հուսահատեցրել հավաքականի նախորդ` Լիխտենշտեյնի հետ հանդիպման արդյունքը։
Հավաքականի երկրպագուները հավատում են, որ վաղը տեսնելու են Հայաստանի հավաքականի հաղթանակը։
Հայ երկրպագուները Էստոնիայում տոնում են Հայաստանի հավաքականի գոլը. տեսանյութ
Նշենք, որ Հայաստանի ազգային հավաքականն արդեն Տուրկուում է, ֆուտբոլիստները հանգրվանել են «Սոլոս Սոկոս Տուրուն» հյուրանոցում: ԵՎՐՈ-2020–ի ընտրական փուլի շրջանակում Ֆինլանդիա-Հայաստան հանդիպումը կկայանա հոկտեմբերի 15-ին, Երևանի ժամանակով 20։00-ին: