ԵՐԵՎԱՆ, 14 հոկտեմբերի - Sputnik. Մեր ժամանակի ամենահայտնի երաժիշտներից մեկը ՝ The Beatles լեգենդար խմբի անդամներից Պոլ Մակքարթնին, իր հանգուցյալ կնոջ՝ Լինդայի 14 լուսանկար է նվիրել Գլազգոյի թանգարանին: Այս մասին հայտնում է Artnet News-ը:
Դրանք կցուցադրվեն լուսանկարիչ Լինդա Մակքարթնիի հիշատակին նվիրված ռետրո լուսանկարների ցուցադրության շրջանակում։ Խոսքն ընտանեկան դիմանկարների ու լուսանկարների մասին է, որոնցով տպավորված են Ջիմի Հենդրիքսը և Միք Ջագերը։ Լուսանկարները կցուցադրվեն մինչև հունվարի 12-ը։
Թանգարանի նոր հավաքածուում ներկայացված լուսանկարների մեծ մասն արվել է Շոտլանդիայում, ինչն ավելի արժեքավոր է դարձնում նվերը:
Լոնդոնի բոհեմական հայուհին. ընտրյալներից մեկը, որին «սովետը» թույլ էր տալիս գալ ու աշխատել
Լինդա Մակքարթնին ամերիկացի երգչուհի է, գրքերի հեղինակ և լուսանկարիչ: Փոլ Մակքարթնիի կինը և Wings խմբի անդամ Լինդան պրոֆեսիոնալ լուսանկարիչ էր, որը 1960-ականներին նոր մշակույթ ստեղծեց։ 1968-ին նա կերտեց պատմություն ՝ դառնալով առաջին կին լուսանկարիչը, որի աշխատանքը (Էրիկ Քլեպտոնի լուսանկարը) օգտագործվել է Rolling Stone ամսագրի շապիկի համար: