ԵՐԵՎԱՆ 13 հոկտեմբերի – Sputnik. Եղանակային առումով նորից ունենալու ենք հրաշք շաբաթ։ Իր Facebook-յան էջում այս մասին տեղեկացրել է ՀՀ ԱԻՆ Հիդրոմետ ծառայության Օդերևութաբանության կենտրոնի պետ Գագիկ Սուրենյանը։
Ով ուզում էր Սևան գնալ՝ թող պատրաստվի. Գագիկ Սուրենյան
«Ողջ շաբաթվա ընթացքում տեղումներ չունենք, երկինքը կլինի լիարժեք պարզ, իսկ օդի ջերմաստիճանը հոկտեմբերի 14-16-ին բոլոր մարզերում աստիճանաբար կբարձրանա 4-5 աստիճանով։ Հանրապետության հովտային գոտում, այդ թվում նաև Երևանում, արդեն հոկտեմբերի 16-ին օդի ջերմաստիճանը կհասնի +27...+28 աստիճանի։ Վայելեք,-գրել է Սուրենյանը:
Նշենք, որ այս անգամ էլ Գագիկ Սուրենյանի հետևորդները բազմաթիվ հումորային գրառումներով են արձագանքել նրա գրառմանը։ ««Մերսի քեզ, Սուրենյան Գագիկ», «Օր կսեմ՝ սաղ քու ձեռքդ է, Գագիկ ջան, չեն հավատա, արևի պուլտը հեչ մարդու չտաս», «բա որ ասում եմ քու պես տղա չկա... ապրի Արեգակնային համակարգդ», «Վայ զորանաս դու, ախպերական մինչև նոյեմբերի վերջ էս աստիճանի վրա պահի էլի»»,–գրել են նրանք։
Որոշներն էլ նշել են, որ արդեն հոգնել են տաքությունից ու իսկական աշուն են ուզում։