Ճապոնիայում հզոր թայֆունի պատճառով մահացածների թիվը հասել է մինչև 33 մարդու, 19-ը անհետ կորած են համարվում։ Տուժածները 200-ն են։ Վարչական շրջանների մեծ մասում փրկարարա–որոնողական գործողությունները շարունակվում են։ Դրանցում ներգրավված են նաև զինվորականներ։
Թայֆունի կենտրոնում քամու ուժգնությունը 45 մետր վայրկյան է, պոռթկումների ժամանակ` մինչև 65։ Տոկիոյում քամու արագությունը հասել է 41.5 մետր վայրկյանի։ Այս ուժը բավարար է բեռնատար շրջելու համար և ավելի քան բավարար, որպեսզի ծառեր և էլեկտրահաղորդման գծի հենասյուներ տապալի։
12 վարչական շրջանում, այդ թվում` Տոկիոյում, հորդառատ անձրևների պատճառով հայտարարվել է վտանգի ամենաբարձր մակարդակը։ Տները փլուզվում են մեկը մյուսի հետևից։
Այս պահին սպառնալիքի առավելագույն մակարդակը չեղարկվել է երկրի բոլոր շրջաններում։
Սարսափելի է. տասնյակ մարդիկ են մահացել «Մանգհուտ» թայֆունի պատճառով. տեսանյութեր
Մասշտաբներով այն արդեն համեմատում են «Իդա» թայֆունի հետ, որը երկրի վրա մոլեգնել էր 1958 թվականին` կործանելով և անօթևան թողնելով հազարավոր մարդկանց։
«Գոնի» թայֆունի հետևանքով Պրիմորիեում տեղումների ռեկորդային քանակ է գրանցվել