Ժամանումից անմիջապես հետո Քիմն այցելեց համայն հայության հոգևոր կենտրոն՝ Էջմիածին, որտեղ մկրտեց իր երեք երեխաներին` նրանց տալով հայկական անուններ:
Բայց ռեալիթի շոուի աստղին Հայաստան են բերել ոչ միայն հոգևոր արժեքները. մեր երկրում նա նախատեսում է հիմնել շտկող ներքնազգեստի արտադրություն: Ըստ պլանավորածի` այսօր երեկոյան նա մի շարք աշխատանքային հանդիպումներ պետք է ունենար հայ գործարարների հետ: WCIT 2019-ի զեկույցից հետո Քիմը լրագրողներին ասաց, որ մտադիր է նաև «հայկական» ծաղիկների բույրով օծանելիք ստեղծել:
«Ինձ շատ ոգեշնչեց այն, ինչ տեսա Հայաստանում, կվերադառնամ նոր գաղափարներով: Չորս գաղափար կա, որոնք ինձ ոգեշնչեցին», - խոստովանեց Քարդաշյանը:
«Սովորական բիզնես չէ, դա երազանք է». Քարդաշյանը պատմեց Հայաստանի հետ կապված պլանների մասին
Երկրպագուները, ինչպես միշտ, հեռուստաաստղին հանգիստ չեն տալիս, օրուգիշեր հերթապահում են հյուրանոցի դռների մոտ: Լրատվամիջոցներն էլ նրանցից հետ չեն մնում ՝ ուշադիր հետևելով նրա յուրաքանչյուր քայլին:
Այնուամենայնիվ, դա չի խանգարում Քիմին շրջել Երևանում և վայելել հայկական լավաշն ու պանիրը:
«Լայքերի քանակն ինձ չի հետաքրքրում. թվերը բիզնեսի համար են». Քիմ Քարդաշյան
Քարդաշյանը հայտարարել է նաև, որ Երևանի փողոցներում նկարահանելու է իր շոուն և երկրպագուներին հրավիրել` մասնակցելու նկարահանումներին։