Արմեն Աշոտյանի ուշադրության կենտրոնում են նաև Հայաստանի արտաքին քաղաքականության գերակա ուղղությունները; Նա հաճախ է լինում արտերկրում և, ինչպես ինքն է նշում, հմտացել է Հայաստանի շահը արտասահմանում ներկայացնելու գործում:
«Աշխատանքի առումով շատ եմ լինում արտասահմանում: Սակայն վերջին շրջանում ամեն անգամ, երբ օդանավակայանում մոտենում եմ անցակետին, ստանում եմ տեղեկություն, որ գործող իշխանությունները տարբեր առիթներով հրահանգում են ինձ երկրից բաց չթողնել»,- նշում է ԱԺ նախկին պատգամավորն ու ԿԳ նախկին նախարարը:
Աշոտյանի համոզմամբ՝ ՀՀԿ-ն արտախորհրդարանական թիվ մեկ ընդդիմադիր ուժն, և իրենք պահպանում են արտասահմանյան գործընկերների հետ նախկինում հաստատված կապերը:
Աշոտյանի խոսքով` Հայաստանին ձեռնտու է աշխարհաքաղաքական լարվածության նվազումը: Որքան Ռուսաստանն ու Արևմուտքը լավ հասկանան իրար, լինեն համագործակցային դաշտում, այնքան լարվածությունը մեր տարածաշրջանում կթուլանա: