ԵՐԵՎԱՆ, 1 Հոկտեմբեր — Sputnik. Արցախի նախագահ Բակո Սահակյանը պարգևատրել է հակառակորդի դիվերսիոն-հետախուզական խմբի առաջխաղացումը կասեցրած, ինչպես նաև հակառակորդի անօդաչուն թռչող սարքը խոցած զինծառայողներին։ Այս մասին հայտնում է Արցախի նախագահի պաշտոնական կայքը։
«Հակառակորդի դիվերսիոն-հետախուզական խմբի առաջխաղացումը կասեցնելիս ցուցաբերած անձնական արիության ու խիզախության համար «Մարտական ծառայություն» մեդալով պարգևատրվել են Պաշտպանության բանակի զինծառայողներ Արմեն Բաբայանը և Էմիլ Ներսիսյանը»,–նշված է հաղորդագրության մեջ։
Հայտնել էինք, որ սեպտեմբերի 22–ին ադրբեջանցիների ձեռնարկած դիվերսիայի անհաջող փորձի ժամանակ ադրբեջանական կողմը, չեզոք գոտում թողել էր մեկ դի։ Ավելի ուշ հայտնի դարձավ, որ Ադրբեջանը նաև մեկ վիրավոր է ունեցել, որը հետո մահացել է։ ՊԲ–ն որևէ կորուստ չէր ունեցել։
Բակո Սահակյանը Մանսուրյանին «Երախտագիտության» մեդալով է պարգևատրել. լուսանկար
Արցախի Հանրապետության պետական սահմանի օդային տարածությունը խախտած, հետախուզական թռիչք իրականացնող հակառակորդի «Օրբիտեր-2» տեսակի անօդաչու թռչող սարքը խոցելու համար էլ «Մարտական ծառայություն» մեդալով պարգևատրվել են Պաշտպանության բանակի զինծառայողներ Պարույր Ամիրխանյանը և Ռաֆիկ Օրդոյանը:
Արցախի ՀՕՊ–ի խոցած անօդաչուի գինը մոտ 1 մլն դոլար է. Հովհաննիսյանը մանրամասներ է հայտնում
Հիշեցնենք, որ դիվերսիոն փորձից օրեր անց` սեպտեմբերի 25–ին, ՊԲ հակաօդային պաշտպանության ստորաբաժանումները հակառակորդի ORBITER-2 տիպի անօդաչու թռչող սարք էին խոցել։