ԵՐԵՎԱՆ, 30 սեպտեմբերի - Sputnik. Անօդաչու թռչող տաքսիների արտադրությամբ զբաղվող գերմանական Volcopter ընկերությունը հայտարարել է, որ ծրագրում է մոտակա ամիսներին օդային տաքսու հրապարակային թռիչք կատարել: Այս մասին հայտնում է ixbt.com-ը։
Ընկերությունը նախատեսում է կարճ տարածությունների համար թռիչքներ առաջարկել լիմուզինով իրականացվող ուղևորության գնով։ Volcopter–ն արդեն աշխատում է սինգապուրյան կարգավորիչների հետ։ Ընկերության ղեկավարը հայտնել է, որ Սինգապուրը, Դուբայը և Գերմանիան օդային տաքսու համար ամենաբաց շուկաներն են։
Ծառայության աշխատանքին առայժմ խանգարում են կարգավորող նորմերի և ենթակառուցվածքի բացակայությունը, ինչպես նաև՝ անվտանգության խնդիրները։ Volocopter ընկերությունը ծրագրում է իր բազապտուտակավոր սարքերի մասսայական շահագործումը սկսել մոտակա երկու-երեք տարիների ընթացքում։ Կոմերցիոն առաջին թռիչքները կկատարեն օդաչուները, այնպես որ խցիկում միայն մեկ ուղևորի տեղ կմնա, բայց 5-10 տարվա ընթացքում ընկերությունը նախատեսում է առանց օդաչուների թռիչքների անցնել։ Այս պահի դրությամբ Volocopter-ի սարքերը կատարել են ավելի քանի 1000 փորձնական թռիչք, որոնց մի մասը` հեռահար կամ ինքնավար կառավարմամբ՝ նախապես որոշված երթուղով։
Volocopter–ի ներդրողների ցանկում են Daimler, Intel և Geely ընկերությունները, որոնց պատկանում է ընկերության մեկ երրորդ մասը։
Ավելի վաղ հայտնել էինք, որ օդային տաքսին վերելքն ու վայրէջքը կատարում է ուղղահայաց դիրքում` հեռակա կամ լրիվ ավտոնոմ կառավարմամբ։
Amazon-ն առաջարկում է շփվել ակնոցի և մատանու միջոցով
Հիշեցնենք, որ ավելի վաղ «Ռուսաստանի ուղղաթիռներ» հոլդինգը և «Յանդեքս. Տաքսի» ընկերությունը МАКС-2019–ի շրջանակում օդային տաքսիների ցանց ստեղծելու համաձայնագիր էին կնքել։