ԵՐԵՎԱՆ, 29 սեպտեմբերի - Sputnik. Հայաստանն ու Սինգապուրը շատ նմանություններ ունեն։ Այս մասին ասաց ՀՀ վարչապետ Նիկոլ Փաշինյանը Երևանում Սինգապուրի վարչապետ Լի Սյեն Լունի հետ ասուլիսում:
«Մենք շահագրգռված ենք խորացնելու մեր բարեկամական կապերը Սինգապուրի հետ: Դրա համար կան բոլոր անհրաժեշտ նախադրյալները», - ասաց Փաշինյանը:
Ըստ նրա` Հայաստանը և Սինգապուրը ունեն հետաքրքիր նմանություններ ունեն. երկու երկրներն էլ չունեն բնական ռեսուրսներ և կառուցում են զարգացման ռազմավարություն ՝ մարդկային կապիտալի արդյունավետ օգտագործման համար:
«Կրթությունը, նորարարությունը, գիտելիքը, քրտնաջան աշխատանքը և լավատեսությունը մեր պետությունների զարգացման և նրանց շարժիչ ուժի բանալին են»,- ասաց ՀՀ վարչապետը:
Դրան գումարվում են պատմական կապերը, որոնք լրացուցիչ խթան են հանդիսանում երկկողմ հարաբերությունների զարգացման համար:
Սինգապուրի վարչապետը ժամանեց Հայաստան. լուսանկարներ
ՀՀ վարչապետը կարևորեց ԵԱՏՄ-ի և Սինգապուրի միջև ազատ առևտրի մասին համաձայնագրի ստորագրումը:
Բացի այդ, կստորագրվի երկկողմ համաձայնագիր ծառայությունների, առևտրի և ներդրումների վերաբերյալ ՝ Երևանի և Սինգապուրի միջև:
Նշենք, որ Սինգապուրի վարչապետ Լի Սյեն Լունի գլխավորած կառավարական պատվիրակությունը Հայաստան է ժամանել վարչապետ Նիկոլ Փաշինյանի հրավերով:
ԵԱՏՄ–ն ու Հայաստանը Սինգապուրի հետ ազատ առևտուր կանեն. նախարարը մանրամասներ ներկայացրեց
Հոկտեմբերի 1-ին Լի Սյեն Լունի կմասնակցի Եվրասիական բարձրագույն տնտեսական խորհրդի ընդլայնված նիստին, որի ընթացքում կկնքվի ԵԱՏՄ - Սինգապուր ազատ առևտրի մասին համաձայնագիրը: