ԵՐԵՎԱՆ, 28 սեպտեմբերի — Sputnik. Արցախում այսօր մահացած 20-ամյա Արման Լևոնյանը Արագածոտնի մարզի Օհանավան համայնքից էր։ Այս մասին Sputnik Արմենիայի հետ զրույցում ասաց համայնքի ղեկավար Էդգար Հայրապետյանը։
«Հիանալի տղա էր Արմանը, չգիտեմ էլ` ինչ ասեմ։ Ընտանիքի հետ էր ապրում` հոր, մոր ու եղբոր։ Եղբայրն իրենից մեծ էր, արդեն ծառայել, վերադարձել էր»,–ասաց նա։
Հայրապետյանը հայտնեց նաև, որ Արմանը պիտի զորացրվեր դեկտեմբերին։
Հիշեցնենք, որ դեպքը տեղի է ունեցել ՊԲ հյուսիսային ուղղությամբ տեղակայված զորամասերից մեկի պահպանության տեղամասում։ Արմանի մահվան դեպքով քրգործ էր հարուցվել սպանության հատկանիշներով` ՀՀ քրեական օրենսգրքի 104–րդ հոդվածով։ Արման Լևոնյանը մահացել էր կրծքավանդակի հրազենային վիրավորումից։