ԵՐԵՎԱՆ, 26 սեպտեմբերի – Sputnik. Ոստիկանության ծառայողները երեկ` սեպտեմբերի 25–ին, բերման են ենթարկել գեներալ-մայոր Սեյրան Սարոյանի 27-ամյա որդուն։
Sputnik Արմենիայի տեղեկություններով` նա Էջմիածնի թիվ 9 դպրոցի բակում միջադեպի հեղինակ է դարձել՝ ինչ-որ հարցի շուրջ վեճի բռնվելով դպրոցի ֆիզկուլտուրայի ուսուցչի հետ, որը 24-ամյա երիտասարդ է։
Վեճի ընթացքում գեներալի որդին հարվածել է երիտասարդի դեմքին։
Վայոց Ձորում ծեծկռտուքի հետևանքով վնասվածք ստացած փոխգնդապետի վիճակը դեռ ծայրահեղ ծանր է
Ոստիկանները գտել ու բերման են ենթարկել Սեյրան Սարոյանի որդուն։ Նա հերքել է ոստիկանների ունեցած տեղեկությունը` ասելով, որ ինքը ոչ մեկին չի հարվածել։
Դեպքի մանրամասները պարզվում են։