Քաղաքագետ Վիգեն Հակոբյանը Sputnik Արմենիայի հետ զրույցում անդրադարձել է ՀՀ նախկին ոստիկանապետ Հայկ Հարությունյանի մահվան հանգամանքներին ու նշել, որ ընդհանուր առմամբ, հնչող բոլոր վարկածները, անկախ նրանից՝ ունեն մանիպուլյատիվ, թե այլ բնույթ, այնուամենայնիվ, լինելու իրավունք ունեն:
«Ինքնասպանություն է, թե սպանություն` դեռ քննության հարց է: Ընդամենը ժամեր են անցել, բայց նոր բան առանձնապես չկա, ու, եթե նկատել եք, գոնե այս պահի դրությամբ` պաշտոնական հաղորդագրությունն ու վարկածները, որոնք առնչվում են դեպքի մանրամասներին ու որոշ հանգամանքներին, հիմնականում համընկնում են»,-նշում է Վիգեն Հակոբյանը:
Հայկ Հարությունյանն առանձնատանը մենակ չի եղել. նոր մանրամասներ` նախկին ոստիկանապետի դեպքից
Քաղաքագետի կարծիքով՝ այսօր խոսել, թե ի վերջո ինչ էր դա` դեռևս վաղաժամ է։ Այդուհանդերձ, կա մեծ գայթակղություն այս դեպքին, այս ողբերգությանը քաղաքական ենթատեքստ տալու, քանի որ իրավիճակն է այդպիսին: Հենց այս պահին դատական գործընթացներ են գնում, որոնցում հնչում է նաև Հայկ Հարությունյանի անունը:
Հայկն ուժեղ մարդ էր. Ալիկ Սարգսյանը` Հայկ Հարությունյանի ինքնասպանության վարկածի մասին
Վիգեն Հակոբյանն ասում է, որ չի կարող այս պահին որևէ վարկածին կողմ կամ դեմ լինել, թեև հասկանում է, որ վարկածների քաղաքական դրդապատճառները բավականին ակտուալ են։ Ամեն ինչ կախված է նրանից, թե քննությունն ինչ եզրակացության կգա: