ԵՐԵՎԱՆ, 17 սեպտեմբերի-Sputnik. Վարչապետ Նիկոլ Փաշինյանի գլխավորությամբ այսօր տեղի է ունեցել Անվտանգության խորհրդի հերթական նիստը:
Բացելով նիստը՝ վարչապետ Նիկոլ Փաշինյանը, նշել է, որ իրադարձություններն ու զարգացումները, որ տեղի են ունենում ՀՀ-ում իրավիճակի ադեկվատ գնահատանքի արդյունք են։
«Կարող ենք արձանագրել, որ իրադարձությունները և զարգացումները ընդհանուր առմամբ տեղի են ունենում մեր կանխատեսումների, մեր գնահատականների շրջանակում, ինչը նշանակում է, որ մենք, ըստ էության, ադեկվատ ենք գնահատում իրավիճակը, անվտանգային միջավայրի զարգացումը, ինչը նաև իր հերթին նշանակում է, որ մեր նախապատրաստությունները, մեր աշխատանքները, կապված Հայաստանի անվտանգային իրավիճակի բարելավման և պետական կառույցների աշխատանքի հետ, համարժեք են տեղի ունեցող իրադարձություններին, ինչը շատ կարևոր է»,- ասել է վարչապետը:
Փաշինյանը ընդգծել է, որ ձևավորված է Անվտանգության խորհրդի գործունեության շատ կոնկրետ օրակարգ, որով և առաջ են շարժվում։
Քոչարյանի որդին չի բացառում Վանեցյանի պաշտոնանկության ու Մարտի 1-ի գործի հնարավոր կապը
«Այսօրվա մեր քննարկման հարցերի շարքն էլ տեղավորվում է այդ օրակարգի շրջանակում: Մենք կոնկրետ արդյունքներ ենք արձանագրում՝ Անվտանգության խորհրդի կողմից նախանշված խնդիրների լուծման ուղղությամբ և այսօր պետք է ամփոփենք այսօրվա վիճակով մեր ունեցած արդյունքները և նախանշենք առաջիկա մեր անելիքները»,- նշել է նա:
Հնարավոր է` Հայաստանի և Ադրբեջանի արտգործնախարարները հանդիպում ունենան Նյու Յորքում
ԱԽ նիստի օրակարգում են անվտանգային ոլորտին վերաբերող մի շարք հարցեր: