Այսօր՝ սեպտեմբերի 10-ին, ողբերգական ավտովթար է տեղի ունեցել Կոտայքի մարզում։ BMW X5 մակնիշի 50 ՕՏ 101 համարանիշի ավտոմեքենայի վարորդը դեպի Սևան ընթանալիս բախվել է КамАЗ մակնիշի 676 LՍ 23 համարանիշի՝ դիզվառելիք տեղափոխող ավտոմեքենայի հետնամասին։ Բախման հետևանքով ավտոմեքենայում հրդեհ է բռնկվել, և BMW X 5-ն ամբողջովին վերածվել է մոխրակույտի։ Ավտոմեքենայի մեջ հայտնաբերվել է վարորդի՝ ամբողջովին մոխրացած դին։ Այս մասին գրում է shamshyan.com-ը:
Արտակարգ իրավիճակների նախարարության փրկարար ծառայության 9-11 և ճանապարհային ոստիկանության 1-77 օպերատիվ կառավարման կենտրոններում ահազանգը ստացվել է ժամը 07։10-ի սահմաններում. Տեղեկացրել են, որ Երևան-Սևան ավտոճանապարհի 35-րդ կմ հատվածում՝ Չարենցավանի վարչական տարածքում, ավտոմեքենա է այրվում։
Կայքի տեղեկություններով՝ ավտոմեքենան վերցվել էր վարձույթով։
Վարորդի դին հատուկ տեխնիկայի օգնությամբ ավտոմեքենայից դուրս բերելուց հետո ավտոմեքենայի մեջ հայտնաբերել են համարանիշերը, ինչը ենթադրում է, որ վարորդը ավտոմեքենայի հետևի համարանիշերը մեքենայի վրայից հանել և թաքցրել է բեռնախցիկում։
Սարսափելի վթար Արագածոտնում. վարորդը տեղում մահացել է. լուսանկարներ
Փաստի առթիվ Չարենցավանի քննչական բաժնում քրեական գործ է հարուցվել։