ԵՐԵՎԱՆ, 8 սեպտեմբերի –Sputnik. Վենետիկի կինոփառատոնի «Ոսկե առյուծը» ստացավ Թոդ Ֆիլիպսի «Ջոկեր» ֆիլմը, փոխանցում է ՌԻԱ Նովոստին։
Ֆիլմի գլխավոր դերը մարմնավորեց Խոակին Ֆենիքսը։
«Այս «Ոսկե առյուծն» ուզում եմ նվիրել ֆիլմի դերասաններին և թիմին», – հայտարարեց ռեժիսորը` ստանալով մրցանակը։ Նրա խոսքով` «ֆիլմն առանց Խոակին Ֆենիքսի չէր լինի»։ Ֆիլիպսը դերասանին անվանեց «ամենաանվաս առյուծ» և շնորհակալություն հայտնեց «վստահության և տաղանդի համար»։
«Ջոկեր» դրաման պատմում է Բեթմենի ապագա թշնամու և Գոտեմ քաղաքի գլխավոր չարագործի կայացման մասին։ Մամուլի ասուլիսի ժամանակ Ֆիլիպսը նշել էր, որ պրոտագոնիստի կերպարը քննարկում էին շուրջ կես տարի` նրա դերակատարի հետ ծրագրելով Ջոկերի զգեստը, սանրվածքն ու ծիծաղը։
Հայաստանի հեղափոխության մասին ֆիլմն ամենասպասվածներից մեկն է Տորոնտոյի կինոփառատոնում
Վենետիկի կինոփառատոնն անցկացվել է Լիդո կղզում օգոստոսի 28-ից սեպտեմբերի 7-ը։ Շաբաթ երեկոյան կայացավ հաղթողների պարգևատրման արարողությունը։