Ազգային ժողովի ԲՀԿ խմբակցության պատգամավոր Գևորգ Պետրոսյանը Sputnik Արմենիայի հետ զրույցում անդրադարձել է գիշօթիկների խնդրին ու նշել, որ մոլորության մեջ են այն մարդիկ, ովքեր կարծում են, որ գիշերօթիկները, մանկատները, խնամքի հաստատությունները միայն գիշերը քնելու համար են:
«Գիշերօթիկը մարդուն կրթում է, հասարակության մեջ ապրելու հնարավորություն է տալիս, հաղորդակից է դարձնում արվեստին, սովորեցնում, թե ինչպես պետք է շփվել մարդկանց հետ: Գիշերօթիկներում նաև արհեստ են սովորեցնում, պատրաստում ապագա շինարարներ, քանդակագործներ, գիտնականներ, իրավագետներ, միջազգայնագետներ: Չի՛ կարելի այպես հեգնանքով խոսել այդ հաստատությունների մասին»,- նշում է ԱԺ պատգամավորը:
Վանաձորի գիշերօթիկը կաջակցի նաև ընտանիքում ապրող երեխաներին
Գևորգ Պետրոսյանի համոզմամբ՝ ոչ ոք իր կամքով իր երեխային չի տանի գիշերօթիկ: Դա պայմանավորված է նեղ վիճակով: Ըստ նրա՝ գիշերօթիկների գոյությունը լավ վիճակից չէ: Նա կուզեր, որ մեր երկրում նման հաստատություններ չլինեին, սակայն այդ մասին խոսում է ոչ թե դրանք լուծարելու նպատակով, այլ այն ակնկալիքով, որ մեր երկրում կարիքավոր երեխաներ չլինեն, որ մանուկները որբ չմնան, որպեսզի հետո մեծանան մանկատներում: Շատ ծնողներ աշխատանք չունեն և անապահովությունից դրդված, սոցիալական բեռի տակ կքած՝ ճարահատյալ են իրենց երեխաներին թողնում գիշերօթիկներում:
Պատգամավորը կարծում է, որ սրանից ելնելով՝ պետք է մարդկանց հասկանալ, այլ ոչ թե եվրոպական «սուտ արժեքները» բերել ու տեղայնացնել:
«Ասում են, թե գիշերօթիկներն ավելորդ են, ու երեխաներին պետք է ուղղորդել, այսպես կոչված, մանկական գյուղեր:
Ես, իհարկե, չեմ ասում, որ այնտեղ երեխաներին փչացնում են: Դա կլիներ քայլ այդ հաստատությունների գործարար համբավի դեմ, բայց մենք դեռ չենք տեսել, թե դրանք ինչ են: Եթե երեխաներին գիշերօթիկներից հանենք և ուղղորդենք այնտեղ, ապա այդ հանգամանքը նրանց ճակատագրի վրա դրակա՞ն, թե՞ բացասական ազդեցություն կունենա: Մեր խնդիրն այն չէ, որ երեխան անպայման մեծանա գիշերօթիկում: Խնդրեմ, ցույց տվեք, համոզեք, որ երեխաների համար մանկական գյուղերում ավելի լավ կլինի, և դա բխում է նրանց լավագույն շահերից:
Գիշերօթիկո՞ւմ, թե՞ պայմաններից զուրկ տանը. որտե՞ղ է երեխան ավելի ապահով
Մի բան անելուց առաջ պետք է ծանրութեթև անել»,-նշում է Գևորգ Պետրոսյանը, շեշտելով, որ սա այն հարցերից է, որի շուրջ Ազգային ժողովը պետք է կազմակերպի հանրային լսումներ, պատգամավորներն էլ մի պահ իրենց հեռախոսներն ու ականջակալները թողնեն, զբաղվեն իրենց բուն գործով, որ տեսնեն, թե ինչ են ուզում անել ժողովրդի գլխին: