Հովհաննիսյանի կարծիքով` հարցն ավելի շատ քաղաքական հարթությունում է, քան տնտեսական. նախագծի իրագործումը Թբիլիսիի բարի կամքի դրսևորումը չէ։
«Վրաստանն իր նպատակներն ու շահերն է հետապնդում՝ գնալով նախագծի իրագործմանը։ Մասնավորապես, այն կարող է հետագայում օգտագործվել սեփական ապրանքները ԵԱՏՄ երկրներ առաքելու համար»։
Ըստ Հովհաննիսյանի՝ այն ծանրաբեռնվածությունը, որ այսօր պետք է Լարսը վերցնի իր վրա, չի վերցնում։ Կարելի է ասել` Լարսը չի աշխատում։ Նոր ճանապարհը որքանով կաշխատի, որքանով օգտակար կլինի և ինչ ճակատագիր կունենա՝ դժվար է ասել։
Կոբի-Քվեշեթ ճանապարհի շինարարության իրագործումը, ըստ Հովհաննիսյանի, ճիշտ է մեծ ծախսեր է պահանջում, բայց մեծ պլյուս կլինի Վրաստանի համար,որպես տարանցիկ երկիր: Դժվար է ասել նաև, թե երբ կկարգավորեն Վրաստանի հարաբերությունները Ռուսաստանի հետ և կբարելավվեն արդյո՞ք ընդհանրապես։ Չպետք է մոռանալ, որ Վրաստանը ՆԱՏՕ է ձգտում և դա խնդիր է։
Հիշեցնենեք, որ նախագծի համաձայն` Վրաստանի իշխանությունները մտադիր են կառուցել մոտ 23 կմ երկարությամբ ճանապարհ, 6 կամուրջ և 5 թունել, որոնց թվում՝ 9-կիլոմետրանոց թունել Կրեստովի լեռնանցքի տակ։ Դա կլինի Եվրոպայի ամենաերկար թունելներից և ամենաբարդ ինժեներային կառույցներից մեկը։
Շինարարության մասին նախագիծը վերջնականապես կստորագրվի առաջիկա օրերին։ Իսկ Ռուս-վրացական սահման տանող նոր ճանապարհի շինարարությունը կսկսվի այս տարվա վերջին։