ԵՐԵՎԱՆ, 30 օգոստոսի — Sputnik. Մոսկվայի դատարանը ուրբաթ օրը զրույց կանցկացնի հուլիսի 27–ին տեղի ունեցած չարտոնված ակցիայի կազմակերպիչներին ներկայացրած «Անկոր» ընկերության ղեկավարի հայցի վերաբերյալ ։ Այս մասին հայտնում է ՌԻԱ Նովոստին։
Ավելի վաղ Մոսկվայի Տվերսկոյ բուլվարի «Արմենիա» ռեստորանի ղեկավարությունը հուլիսի 27–ին տեղի ունեցած բողոքի ակցիայի կազմակերպիչների դեմ հայց էր ներկայացրել։
Ռեստորանի տերը` «Անկոր» ընկերության ղեկավար Հրանտ Ծատուրյանը, ցույցի կազմակերպիչներից պահանջել է իրեն վճարել 551 հազար ռուբլի` որպես ակցիայի օրը հաստատությունը փակելու փոխհատուցում։
Դրանից անմիջապես հետո սոցիալական ցանցերում և մասնագիտացված կայքերում, որոնք գնահատում են ռեստորանների վարկանիշը, մեկնաբանությունների տարափ է սկսվել։ Ակնհայտորեն նախօրոք ծրագրված ակցիայի մասնակիցները սկսել են «թրոլինգի» ենթարկել հաստատությունը` քննադատելով սպասարկումը, ուտելիքի որակը, աղմուկը և այլն, ինչի հետևանքով մի քանի օրում հաստատության վարկանիշը 5 միավորից իջել է 2-ի։
Ռեստորանի պաշտպանության կոչով հանդես են եկել հայտնի ռուսաստանցիներ` հաղորդավար Վլադիմիր Սոլովյովը, ՌԻԱ Նովոստիի և RT–ի գլխավոր խմբագիր Մարգարիտա Սիմոնյանը, գրող և լրագրող Մարիա Յուդենիչը և ուրիշներ։ Տեղի ունեցածի պատճառով ռեստորանի ղեկավարությունը որոշել է սոցիալական որոշ ցանցերում ժամանակավորապես փակել իր էջերը, մյուսներում` սահմանափակել մուտքը։
Սոլովյովը, Յուդևիչն ու Սիմոնյանը պաշտպանել են Մոսկվայի հայկական խանութ–ռեստորանի պատիվը
Հուլիսի 27–ին Մոսկվայի կենտրոնում ընդդիմությունը չարտոնված հանրահավաք էր անցկացնում, որն ուղեկցվում էին զանգվածային անկարգություններով։ Այդ հանրահավաքի պատճառով մի քանի քրեական գործ է հարուցվել։
Տվերսկոյ բուլվարի «Արմենիա» խանութ–ռեստորանը մոսկովյան եզակի խանութներից է։ Խորհրդային տարիներին այն հայկական ապրանքների մասնագիտացված խանութ էր։