«Մալաթիա մոլում» բռնկած հրդեհը տարածվել է շենքի բոլոր ուղղություններով: Այն մարել չի հաջողվում, քանի կրակն անընդհատ բորբոքվում է ներթափանցող օդի հետևանքով:
Ինչպես արդեն տեղեկացրել ենք, այսօր՝ օգոստոսի 24-ին, ժ.15։45–ին, ԱԻՆ-ում ահազանգ է եղել, որ «Մալաթիա մոլում» հրդեհ է բռնկվել։ Սկզբում հայտարարել էին հրդեհի բարդության «Թիվ 2» կանչ, սակայն որոշ ժամանակ անց հրդեհի բարդության աստիճանը բարձրացվեց «Թիվ 3» կանչի։
Հրդեհի հետևանքով 8 մարդ էր տուժել, որից 6–ը ծխահարմամբ տեղափոխվել էին «Աստղիկ» ԲԿ, իսկ երկուսը` ծխային թունավորմամբ «Արմենիա» ԲԿ–ում էին։ Բոլոր տուժածները դուրս են գրվել, բացի մեկից, որը դեռ «Աստղիկ» ԲԿ–ում է։
Հրդեհի պատճառը դեռ հայտնի չէ, սակայն մինչ կրակն «իրենով էր անում» ավելի մեծ տարածքներ, «Մալաթիա մոլում» գտնվող «Վեգայի» աշխատակիցները քաղաքացիների հետ համատեղ խանութից հանում էին կենցաղային իրերը։
Նոր մանրամասներ են հայտնի դարձել «Մալաթիա մոլի» հրդեհից տուժածներից
Դեպքի վայրում հրդեհաշիջման աշխատանքներին մասնակցում է 19 մարտական հաշվարկ, հերթապահում են շտապօգնության բրիգադները։
Հրդեհն այս պահին դեռ չի մարվել։
Ինչպես են ցած նետում ստվարաթղթե արկղերը, որ հրդեհը չտարածվի. տեսանյութ «Մալաթիա մոլից»