Այսօր հրդեհ է բռնկվել Հայաստանի հարավում` «Որոտան» ՀԷԿ–ի մոտակայքում։ Այրվում է խոտածածկ տարածք, հրդեհի մակերեսը դեռ հայտնի չէ։ Ինչպես դեպքի վայրից Sputnik Արմենիայի հայտնում են ականատեսները, հրդեհի ծուխը տեսանելի է Գորիս–Կապան ավտոճանապարհից։
ՀՀ ԱԻՆ–ը Sputnik Արմենիայի հետ զրույցում հաստատեցին հերթական անտառային հրդեհի մասին լուրը, բայց ասացին, որ այս պահին այլ մանրամասների չեն տիրապետում։
Հիշեցնենք, որ օգոստոսի 11–ին հրդեհ էր բռնկվել «Արևիկ» ազգային պարկում` Իրանի սահմանից ոչ հեռու` Մեղրի քաղաքի մոտ։ Այրվում էին գիհուտներ։