ԵՐԵՎԱՆ, 16 օգոստոսի — Sputnik. Ուրբաթ` օգոստոսի 16-ին Հայաստանում սպասվում է վերջին օրերի ամենաշոգ եղանակը։ Իրաքից ներթափանցած տաք օդային հոսանքներն այսօր կեսօրին կհասնեն գագաթնակետին։
Ինչպես տեղեկացնում են ՀՀ ԱԻՆ «Հիդրոմետ» ծառայությունից, Հայաստանի ամբողջ տարածքում կանխատեսվում է առանց տեղումների, անամպ եղանակ։ Մայրաքաղաք Երևանում, Արարատի, Վայոց Ձորի, Արմավիրի մարզերում ու Արցախում սպասվում է 40 աստիճան շոգ։ Ամենացած ջերմաստիճանը սպասվում է լոռու մարզում` 34 աստիճան։
Օգոստոսի 17-ից սկսած ջերմաստիճանն աստիճանաբար կնահանջի` մինչև շաբաթվա վերջ նվազելով շուրջ 2 աստիճանով։