ԵՐԵՎԱՆ, 16 օգոստոսի — Sputnik. Շիրակի մարզային քննչական վարչությունում ավարտվել է Գյումրի քաղաքի 57-ամյա բնակչուհու՝ Ջուլիետա Ղուկասյանի սպանության գործի նախաքննությունը: Քերական գործը մեղադրական եզրակացությամբ ուղարկվել է հսկողություն իրականացնող դատախազին։
Ինչպես հայտնում են ՀՀ ՔԿ–ից, ենթադրյալ հանցագործություն կատարած անձը ՌԴ 24-ամյա քաղաքացի է, Գյումրու սահմանապահ զորամասի պայմանագրային զինծառայող։
Քննության տվյալներով՝ 2018 թվականի դեկտեմբերի 2-ին` ժամը 07-ի սահմաններում, նա, գտնվելով ալկոհոլի ազդեցության տակ, հետևել է փողոցում քայլող Ջուլիետա Ղուկասյանին, դիտավորությամբ բազմաթիվ հարվածներ հասցրել նրա գլխին և մարմնի տարբեր մասերին` պատճառելով ծանր մարմնական վնասվածքներ՝ անզգուշությամբ առաջացնելով մահ:
Զինծառայողի նկատմամբ գործի նախաքննության ընթացքում որպես խափանման միջոց էր ընտրվել կալանավորումը:
Գյումրիում զինծառայողի դի է հայտնաբերվել
Հիշեցնենք` 2018 թվականի դեկտեմբերի 2-ին «պոլիտրավմա, գանգուղեղային փակ վնասվածք, կրծքավանդակի փակ վնասվածք, տրավմատիկ շոկ, կոմա» ախտորոշմամբ «Գյումրի բժշկական կենտրոն» ՓԲ ընկերություն էր տեղափոխվել Գյումրի քաղաքի բնակչուհի Ջուլիետա Ղուկասյանը՝ ծնված 1961 թվականին։ Կինը բժշկական կենտրոնում մահացել էր:
57-ամյա կինը հավաքարար էր աշխատում ռուսական սահմանապահ ջոկատի հարակից Սլաբոդկա թաղամասում: