ԵՐԵՎԱՆ, 14 օգոստոսի — Sputnik. Հայաստանի կառավարությունն Արցախին շուրջ 3 մլրդ դրամի աջակցություն կտրամադրի։ Այս մասին իր Facebook-յան էջում գրել է ՀՀ վարչապետ Նիկոլ Փաշինյանը։
«Ուրախ եմ տեղեկացնել, որ Հայաստանի կառավարությունը Արցախին շուրջ 2.9 միլիարդ դրամ աջակցություն կտրամադրի՝ ՊԲ զինթոշակառուների բնակարանային խնդիրները լուծելու համար»,– գրել է ՀՀ վարչապետը` հավելելով, որ գումարի չափը դեռևս գտնվում է ճշգրտման փուլում:
Փաշինյանը հիշեցրել է, որ օգոստոսի 5-ին Ստեփանակերտում ունեցած իր ելույթում հայտարարել էր, որ մինչև 2023 թվականը նախատեսում են լուծել նաև ՊԲ զինծառայողների բնակարանային խնդիրները: