ԵՐԵՎԱՆ, 13 օգոտոսի — Sputnik. Հայաստանի թիմը «Խաղաղության մարտիկ» մրցույթում զբաղեցրել է առաջին տեղը ։ Այդ մասին այսօր ասաց պաշտպանության նախարար Դավիթ Տոնոյանը Դիլիջանում մրցումների արդյունքներն ամփոփելու ժամանակ։
Նրա խոսքով` հանդիսանալով մրցույթի կազմակերպիչ, Հայաստանի պաշտպանության նախարարությունն հնարավոր ամեն ինչ արել է, որպեսզի միջոցառումը լինի հետաքրքիր, վառ, բովանդակալից և հիշվող։ Այն կարևոր իրադարձություն է ինչպես Հայաստանի, այնպես էլ մնացած մասնակիցների համար։
Ըստ Տոնոյանի` Հայաստանը երկրորդ անգամ է կազմակերպում միջազգային բանակային խաղերը։ Այս անգամ ընդլայնվել է նախագծի աշխարհագրությունը, Հայաստանը ավելի մատչելի է դարձել նման միջոցառումներ անցկացնելու համար։
«Անշուշտ, հաճելի փաստ է հայկական թիմի հաղթանակը։ Սա մեր թիմի առաջին հաղթանակն է այդ մրցույթում, ինչպես նաև միջզագային բանակային խաղերի ձևաչափում», – ասաց Տոնոյանը։
Տոնոյանի խոսքով` մրցումների մասնակիցների հնարավորություն են ունեցել ավելի լավ ծանոթանալ մեր երկրին, նրա պատմությանը, ժողովրդին և ավանդույթներին։
«Խաղաղության մարտիկ» մրցույթը տևել է 14 օր և ներառել է ռազմամասնագիտական «Պրոֆեսիոնալ» (կողմնորոշում տեղանքում, մարտական պատրաստության համալիր վարժություններ, բուժօգնության կազմակերպում), ռազմամարզական «Ատլետ», կրակային պատրաստության «Դիպուկահար», գրական-գեղարվեստական և պարային-երաժշտական «Տեր և Տիկին», ռազմական պատմության գիտելիքների ստուգման «Էրուդիտ» մրցաձևերը:
Մրցույթին մասնակցել են Հայաստանի, Ռուսաստանի, Բելառուսի, Ղազախստանի, Իրանի և Հունաստանի ներկայացուցիչները։