ԵՐԵՎԱՆ, 12 օգոստոսի — Sputnik. Տեխնիկական պատճառներով հետաձգված UTair ավիաընկերության «Երևան–Մոսկվա» UTA880 չվերթը կկայանա երևանի ժամանակով 17:30–ին։ Այդ մասին Sputnik Արմենիային հայտնեց «Զվարթնոց» օդանավակայանի մամուլի քարտուղար Սաթենիկ Հովհաննիսյանը։
Utair ռուսական ավիաընկերության Երևան–Մոսկվա չվերթը հետաձգվել էր այսօր` տեխնիկական պատճառներով։
«Չվերթը պետք է կայանար 7:05–ին։ Այժմ այն նախատեսվում է իրականացնել 17:30–ին, սակայն ժամը կարող է փոխվել»,– ասաց Հովհաննիսյանը։
Ավելի վաղ ՀՀ քաղավիացիայի կոմիտեն կապ էր հաստատել Հայաստանում ավիաընկերության ներկայացուցչության հետ, որտեղից հայտնել էին, որ աշխատանքներ են տարվում առավելագույնս սեղմ ժամկետներում ուղևորների տեղափոխումը կազմակերպելու համար։