ԵՐԵՎԱՆ, 10 օգոստոսի — Sputnik. RT-ի ու Sputnik-ի գլխավոր խմբագիր Մարգարիտա Սիմոնյանը Instagram-ում հետաքրքիր լուսանկար է հրապարակել, որում 106 տարեկան հայ տատիկը ինքնաձիգը ձեռքին նստած է իր տան շեմին։
Լուսանկարը բավականին հայտնի է։ Այն արվել է 1990 թվականին՝ Արցախում։ Բայց հատկանշականը Սիմոնյանի մեկնաբանությունն է զառամյալ տատիկի լուսանկարի տակ։
Լուսանկարում 106 տարեկան հայ կին է, որը պաշտպանում է իր տունն Արցախում։
«Ինձ ձեր ֆեյսափները պետք չեն, որոհետև առանց դրա էլ գիտեմ, որ ծեր ժամանակ այսպիսի տեսք եմ ունենալու»,-գրել է նա, հասկացնելով, որ պատրաստ է նաև մինչև վերջին շունչը պաշտպանել հայրենիքը։
Բաժանորդների հուզումնալից, երախտագիտությամբ լի, իսկ որոշ դեպքերում՝ մի քիչ երկյուղած մեկնաբանությունները երկար սպասեցմնել չեն տվել։
«Ամենագեղեցիկ տատիկը։ Ես նրա արձանը կտեղադրեի և հենց լուսանկարի պատկերի նման»,-գրել է siwerskaia2012-ը։
«Սարսափելի լուսանկար է, նման բան երբեք չպետք է լինի», - նշել է aleksandrovich.tatiana օգտատերը։
Շատերը նշել են, որ ոչ մեկի չէին ցանկանա այդպիսի ծերություն, որովհետև բոլորն արժանի են իրենց գլխավերևում խաղաղ երկինք ունենալու:
Արցախ եկող արվեստագետներին զգուշացնում են, որ կարող են հայտնվել Ադրբեջանի «սև ցուցակում»