ԵՐԵՎԱՆ, 9 օգոստոսի – Sputnik. ՀՀ նախագահ Արմեն Սարգսյանը երկու նոր նշանակում է արել։ Այս մասին նշված է նախագահի պաշտոնական կայքում։
Նրա ստորագրած հրամանագրերից մեկի համաձայն` Սուրբ Աթոռում Հայաստանի Հանրապետության արտակարգ և լիազոր դեսպան Կարեն Նազարյանը, համատեղության կարգով, նշանակվել է Պորտուգալիայի Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Վատիկան):
Մյուս հրամանագիրն էլ վերաբերում է Ավստրիայի Հանրապետությունում Հայաստանի Հանրապետության արտակարգ և լիազոր դեսպան Արմեն Պապիկյանին։ Նա համատեղության կարգով նշանակվել է Սլովակիայի Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Վիեննա):
Նշենք, որ ՀՀ նախագահը հրամանագրերը ստորագրել է ` հիմք ընդունելով ՀՀ վարչապետ Նիկոլ Փաշինյանի առաջարկությունը։