ԵՐԵՎԱՆ, 5 օգոստոսի — Sputnik. Եգիպտոսի մայրաքաղաք Կահիրեի կենտրոնական մասում` Քաղցկեղի ազգային ինստիտուտի մերձակայքում, այսօր պայթյուն է որոտացել։
Ինչպես հայտնում է ՌԻԱ Նովոստին` հղում անելով Եգիպտոսի առողջապահության նախարար Հալա Զեյդին, միջադեպի հետևանքով 17 մարդ է զոհվել, ևս 32-ը տուժել են։
Նախնական վարկածով` պայթյունի պատճառ է դարձել Մանյալ շրջանում ավտոմայրուղու վրա տեղի ունեցած վթարը։ Ավտոմեքենան մեծ արագությամբ դուրս էր եկել հանդիպակաց գոտի, բախվել այլ մեքենաների, արդյունքում հզոր պայթյուն էր որոտացել։
ՃՏՊ–ից մի քանի տասնյակ մետրի վրա գտվող Քաղցկեղի ազգային ինստիտուտի շենքի ճակատային հատվածը վնասվել է։ Հաստատության հիվանդներին ստիպված են եղել տարհանել։
Ավելի վաղ հայտնում էին, որ պայթյունի պատճառը Քաղցկեղի ազգային ինստիտուտի տարածքում մեքենայի մեջ գտնվող թթվածնի բալոնն է եղել։
Պայթյունից հետո հրդեհ էր բռնկել, որն արդեն մարվել է։