1958 թվականի սեպտեմբերի 2–ին Արագածի փեշերին գտնվող Ներքին Սասնաշեն գյուղի մոտակայքում է ընկել խորհրդային զինվորականների կործանած ԱՄՆ–ի ՌՕՈւ–ի ռազմատրանսպորտային ինքնաթիռը։ Այն Թուրքիայի կողմից Հայաստանի տարածք էր ներխուժել։ Ինքնաթիռում եղել է 17 մարդ ու խուզարկման համար նախատեսված սարքավորում։
Ամերիկյան կողմին փոխանցվել էր 7 զինծառայողի դի, մնացածի մասնիկները չէին հայտնաբերվել, ու նրանց անհետ կորած էին համարել։ Տարիներ անց ինքնաթիռի ընկնելու վայրում ամերիկյան ռազմական հնագետները հետազոտություններ են անցկացրել։ Հնագետներին բերել էր անհետ կորածներից մեկի` երկրորդ կարգի օդաչու Արթուր Բյորգի քույրը` Լորնա Բյորգը։ Նրանք գտել էին օդաչուի անձնական ժետոնը։ Այս և այլ հետաքրքիր մանրամասներ է ներկայացնում Դմիտրի Պիսարենկոյի արխիվային ռեպորտաժը, որը թողարկվում էր ՆՏՎ–ի հետ համատեղ «Ժամանակի մեքենա» նախագծի շրջանակում։
Անցյալում ստեղծած տեսանյութերի միջոցով Sputnik Արմենիա հարթակում ժամանակ առ ժամանակ կարելի է դառնալ Հայաստանում 1996–2001 թվականներին տեղի ունեցած ուշագրավ իրադարձությունների ականատեսը։ Բոլոր այդ իրադարձությունների մասին հուշերը պահպանվել են Դմիտրի Պիսարենկոյի տեսադարանում։