ԵՐԵՎԱՆ, 1 օգոստոսի — Sputnik. ԱԱԾ կողմից կոռուպցիոն սկանդալում հայտնված ՊԵԿ երկու աշխատակիցներն էլ պարգևավճար են ստացել։
Այդ մասին այսօր լրագրողների հետ զրույցում հայտնեց Դավիթ Անանյանը։
Նրա խոսքով` միայն պարգևավճարները չեն կարող վերացնել կաշառակերության երևույթը։ Այն բացառելու համար կարևոր է նաև մարդու արժեհամակարգը։
«Մենք ասել ենք, որ կաշառակերության դեմ պայքարում արժանապատիվ վաստակ ունենալը շատ անկյունաքարային նշանակաւթյուն ունի: Նրանք, ովքեր խնդիրներ ունեն արժեքային համակարգի հետ, որևէ պարգևավճար չի օգնի»,- ասաց Անանյանը:
Հիշեցնենք` հուլիսի 29-ին ԱԱԾ-ն ՊԵԿ երկու բարձրաստիճան պաշտոնյա էր ձերբակալել, որոնք մեղադրվում են խոշոր չափի կաշառք պահանջելու մեջ։